Nafarroako Gobernuko Herrilan Departamentuko Errepideen Kontserbazio Zerbitzuak jakinarazi duenez, bart arratsetik hasi eta apirilaren 29a bitarte, ortzegun arratsa bitarte, itxia egonen da gauez N-121-A errepidean, 27 eta 35 kilometroen arteko zatia. Hain zuzen, Belate eta Almandozko tunelak ere hartzen ditu eta mantenimendu lanak egiteko gaueko 23:00etatik goizaldeko 05:00ak arte itxia egonen da egun hauetan. Beraz, ordutegi horretan, Belateko gainetik barna egin beharko dira Iruña eta Irun arteko harat-honatak.