Igande honetan, Baigorriko Nafarroaren Egunaren baitan jokatuko den lehenbiziko jardunaldiarekin abiatuko da Nafarroako bosgarren Lauko Sokatira Txapelketa.
Aurten ere eskualdeko taldeek ez dute hutsik egin. Gizonezkoetan, 320 kilokoen kategorian, Amaiur A eta B ari dira, Basaburua, Txantrea eta Imotzekin batera. Berriozar ez da ariko aurtengoan
Emakumeetan, berriz, 255 kilokoetan, Beti Gazte eta Amaiur dira eskualdekoak, eta Sakana, Berriozar eta Basaburua-Imotzen kontra lehiatuko dira.
Aurten, lehen aldiz 21 urte artekoen kategoria izanen da gizonezkoetan, 320 kilokoan, Amaiur eta Baztango Basaburuak Txantrea izanen dute bertze kontrarioa, eta kadetetan, azkenik, 295 kiloko mailan, Baztango Basaburuak, Txantrea eta Andra Mari. Aipatu, kadetetan taldeak mistoak direla.
Kategoria guztietan, liga sistemaren bidez hiru jardunaldi jokatuko dira. Hasieran aipatu bezala, lehenbizikoa Baigorriko plazan jokatuko da igandean, 14:30ean. Euria eginen balu, plaza ondoan dagoen erabilera anitzeko gelan edo frontoian jokatuko litzake. Bigarren saioa maiatzaren 8an Zugarramurdin eginen da, 17:00etan frontoian. Hirugarrena eta azkena, berriz, Jauntsarasen, maiatzaren 29an, eta hau ere, 17:00etan frontoian.