Baztan-Errekako laxoa txapelketako hirugarren jardunaldia jokatu da asteburuan. Hobe erranda, jokatu behar ziren lau partidetatik bi. A multzoan, arraioztarren arteko lehian, Arraioz Ak 9 et a 2 irabazi zion Arraioz Bri. B multzoan berriz, Irurita Ak 9 eta 3 irabazi zion Oitz Bri.
Apirilaren lehen aste hondarreko jardunaldian, A multzoko partidak bakarrik jokatu ziren, bietan Doneztebe eta Arraiozko taldeak aurrez aurre zirela. Doneztebe Ak 9 eta 5 irabazi zion Arraioz Bri eta Arraioz Ak 9 eta 2 irabazi zion Doneztebe Bri.
Txapelketaren lehen jardunaldia, berriz, martxoko azken aste hondarrean jokatu zen. A multzoan, Arraioz Bk 9 eta 1 irabazi zion Irurita Cri eta Doneztebe Ak 9 eta 5 irabazi zion Doneztebe Bri, eta B multzoan, Irurita Bk 9 eta 5 irabazi zion Oitz Bri.
Oraindik abudo bada ere, A multzoan Doneztebe A eta Arraioz A dira momentuz indartsuenak.
Astebururako partidak
Asteburu honetan Arraioz Ak Irurita C hartuko du etxean larunbatean 17:00etan eta ordu berean, Doneztebe B eta Arraioz B ariko dira. Doneztebe Ak atsedena izanen du.
B multzoan berez ez da jardunaldirik, baina aitzineko asteetan bertan behera gelditutako partidaren bat jokatuko da seguruenik.