Uxarrea auzoan, orain arte haurrentzako parkea egon den tokian, etorkizunean igerilekua izanen da eta dagoeneko lanak hasiak dira. Bi fasetan eginen da obra, eta lehenbizikoan lur mugimenduak eta igerilekuaren zola eta paretak eginen dira. Sasoi enpresa ari da lan hauek egiten, Espainiako Gobernutik Udalak hartuko duen 46.377,99 euroko subentzioarekin.
Hasierako lanak akitutakoan, bigarren faseari ekinen zaio eta honetan eginen da gainerakoa: ur ponpak, zerrakurak, lorategia...
Obra hauen ondorioz, haurren parkea igerilekuaren behekaldera pasako da.
Bertzalde, aipatu, igerilekuko aldagelak joan den urtean estatutik hartu zen dirulaguntzarekin egin zirela.
Lanak ongi joanez gero, igerilekua aurten irekitzeko asmoa du Udalak.
Horretarako lanean hasia da Sasoi enpresa
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun