Arkupeak elkarteak urteko gimnaia besta egin du apirilaren 8an, ortzegun eguerdian. Aitzinetik Iruñeko Larrabiden eta Anaitasunan egiten bazuten ere, 2004 urteaz geroztik Berako Toki-Ona kiroldegian elkartzen dira eta aurten ere, bertan aritu dira herri ezberdinetako 80 bat kirolari.
Lehenik, Jabier Larralde Arizkungo txistularia aitzinean zutela, aurkezpen kalejira egin dute, jendearen txalo artean.
Segidan, Berako taldearen txanda izan da. Ana Larretxea, Arantzako irakaslearen erranetara eta aerobic musika doinuak lagun zituztela, dantza eta gimnasia uztartzen zituen saio dotorea eskaini dute 14 emakumek. Tartean zen gaurko saioko kirolari beteranoenetako bat, Maritxu Martikorena. 84 urterekin garbi utzi du sasoi betean dagoela. Berak aipatu digunez, duela 17 bat urte hasi zen gimnasia egiten eta nabari du mesede egiten diola. Astean bitan biltzen dira Berako kiroldegian. 84 urtera hain osasuntsu ailegatzeko sekretua, “lasaitasunez bizitzea eta gauzak datozen bezala onartzea” dela aipatu digu. Gimnasiaz gain, akordeoi klaseak ere hartzen ditu musika eskolan, beti ikasteko irrikitan dagoelako. Baina ikasteaz aparte, ehoziri lanak erakusten ditu Zahar Etxean. Ez gazte denboran horretan aritu zelako: “70 urterekin ikasi nuen ehoziri lanetan –dio Maritxuk–, baina orain sei laguneri erakusten diet, pena ematen didalako hori galtzea”. Ikasleak ez omen ditu gazte-gazteak, “baina bai ni baino gazteagoak” dio irriz.
Berako taldearen ondotik, Goizueta eta Leitzakoak atera dira elkarrekin, Patxi Chocarro monitorea gidari zutela. Ariketa arinagoak egin dituzte, beroketak, luzaketak eta mugimendu mantsoak. Talde hauetan, gutti badira ere, badira gizaseme batzuk ere. Tartean, Goizuetako Luis eta Jose Anton Elizegi anaiak. “Egia da gizon gutxi garela –dio Luisek–, baina guri ere mesede handia egiten digu astean bitan gimnasia pixko bat egiteak. Ordubetez aritu eta gorputza arinago sentitzen dut, beste gainerakoan, enborra bezala gogortuak egoten gara. Akaso gizonek nahiago dute mendira atera edo baratzean aritu, baina hau osasungarria da”.
Leitzako taldean gizon bakarra dute, Eusebio Maritorena hain zuzen, Leitzan Arkupeak elkarteak duen delegatua. Sortzez Zigakoa bada ere, lanarengatik duela 40 urte joan zen Leitzara eta bertan laketu du. Gizonezkorik ez zela eta animatzea pentsatu zuen, beste norbait bere arrimoan hasiko zelakoan, baina ez du lortu. “Ez dakit lotsatzen diren edo zer pasatzen den. Ikusiko balute zer zaulitasun hartzen den!”. Zenbait mugimendu aski zailak ere baziren eta zenbait ariketetan, hanka bakarraren gainean oreka mantentzeko egin duten esfortzua sarituz, ikusle zeuden erretiratuek eta senideek txalo zaparradekin saritu zuten ahalegina.
Azken taldea, Doneztebe, Sunbilla, Elizondo eta Urdazubiko kirolariek osatutakoa izan zen, hauek ere Patxi Chocarroren ardurapean.
Kirol saioa akautu bezain, abudo, 300 bat lagun Zubiondo jatetxera joan dira bazkaltzera.
KIROLARIAK
BERA (14)
Begoña Gómez
Maritxu Martikorena
Josefina Iglesias
Maria Jesús Zubieta
Carmen Mitxeltorena
Carmen Jiménez
Maddi Mikelperizena
Malen Barandiaran
Angelita Corral
Angelines Estalayo
Justa Telletxea
Pura Correa
Pepita Agirre
Ester Iñarga
LEITZA (18)
Maritxu Alduntzin
Pilar Alkoz
Tere Perurena
Paquita Aierdi
Itziar Sagastibeltza
Juanita Escudero
Serafina Ezkurra
Sebastiana Ezkurra
Pilar Martinez
Amparo Azpiroz
Carmen Petrirena
Inaxi Lujanbio
Pilar Urkiola
Paquita Urkiola
Lourdes Erbiti
Tere Arraiago
Carmen Rodríguez
Eusebio Maritorena
GOIZUETA (20)
Milagros Narbarte
Mari Carmen Tomasena
Luis Elizegi
Antonio Rodríguez
Maria Pilar Arratibel
Maite Zabala
Paquita Goizueta
Milagros Goizueta
José Ramón Arozena
Satur Salaberria
Conchita Altamira
Mónica Perurena
Juana San Miguel
Mari Carmen Berroeta
José Antón Elizegi
Asun Apezetxea
Felisa Salaberria
Cecilia Perurena
Arantxa Berroeta
José Goizueta
URDAZUBI (4)
Miguel Migeltorena
Francisco Menta
Anta Menta
Teresita Bidart
ELIZONDO (17)
Maria Dolores Etxegarai
Juanita Dendarieta
Asun Alti
Carmen de la Flor
Asunción Jaurena
Maritxu Oharriz
Milagros Zelaieta
Maria Jesús Gamio
Conchita Iturriria
Maria Jesus Zubiri
Maria Jesus Etxandi
Rosa Mendiburu
Milagros Gamio
Juli Irigoien
Marcelina Ormart
Conchi Jauregi
Maria Angeles Narbarte
DONEZTEBE (4)
Maria Josefa Arretxea
Mariela Olaizola
Maritxu Mutuberria
Asunción Telletxea
SUNBILLA (4)
Mari Carmen Errandonea
Francisca Iriarte
Teresa Agirre
Juana Mari Agirre