Nafarroako Gobernuak 278. 832,68 euroko laguntza emanen dio Bertizko Partzuergo Turistikoari, Eurovelo proiektuaren baitan, Baiona eta Iruña lotuko dituen zatiaren barne, Doneztebe eta Endarlatsa arteko bidea txirrindulari eta oinezkoendako egokitzeko. Martxoaren 22ko akordioarekin onartu zuen subentzioa Gobernuak. Eurovelo direlakoak Europa osoa zeharkatuko duten 12 bide luze dira, hiri nagusietatik eta inguru turistikoetatik igaroko direnak. Europa osoko 52 elkarte eta 400.000 txirrindulazale ordezkatzen dituen Europako Txirrindulazaleen Federazioak bultzatutako proiektua da.