Martxoaren 13an Xabierrera joateko Erreka Kirol Elkarteak antolatutako ateraldia arrakastatsua izan zen: 42 lagun animatu ziren. Horietako batzuk autobusez joan ziren Noaineraino, eta handik Xabierrerako bidea oinez egin zuten; bertze batzuek, berriz, nahiago izan zuten Monrealetik abiatu. Herritarren artean, batzuk oinez joan ziren, eta patinetan bertzeak. Liedenan atseden ttiki bat egin ondotik 11:00etarako Xabierren zeuden. Eguraldiak ere lagundu zuen, eta gustura gelditu ziren erromesak.