Malerrekako VIII. Eskuz Binakako Txapelketako finalak jokatu dira

Erreka elkarteak zor­tzigarren urtez antolatutako Eskuz Binakako Pilota txapelketaren finalak jokatu ziren otsailaren 27an Doneztebeko udal pilotalekuan.
Benjaminetan, Igan­tzi­­ko Biltokiko Mitxeo eta Telletxeak 18-12 irabazi zieten Goizuetako Umore Onako Aizkorbe eta Ape­ze­txeari. Alebinetan, Errekako Salaberria goizuetarrak eta Oberenako Mariezkurrenak 18-16 iraba­zi zieten Errioxa­ko Titin III.eko Saenz eta Azpeitiko Ilunpeko Alberdiri.
Infantiletan, Biltokiko Unai Telletxeak eta Txapagaineko Iribarriak 18-8 irabazi zieten Burla­tako Zugarraldeko Larunbe eta Sarasari. Kadeteen mailan, Titin III.eko Iturriagak eta Aurrera Saiazeko Labakak 18- 12 irabazi zieten Aurrera Saiazeko Zelaia eta Elustondori.
Jubeniletan, Ilunpeko Etxaniz eta Aizpuruk 22-8 irabazi zieten Errekako Oronoz eta Txaru­tako Jauregiri. 22 urtez beheitiko kategorian, Aldabideko Joseba Ezkurdiak eta Lukinek 22-13 irabazi zieten Mattin Ezkurdia eta Araña taldekideei.
Eliteko final nagusian, Lesakako Mololo Irigoien eta Leitzako Iñaki Iparragirrek 22-12 irabazi zieten Aurrera Saiazeko Renobales eta Uharteko Landiribarri.
Finalen ondotik, sari banaketaren txanda izan zen eta horretan aritu ziren Ruben Beloki eta Mikel Olazabal pilotari profesionalak, Jabiertxo Almandoz Nafarroako Ku­txako Doneztebeko bulegoko zuzendaria, Miguel San Miguel Doneztebeko alkatea eta Juan Telle­txea Errekako presi­dentea. Elite mailako txapeldunek 800 euro esku­ratu zituzten eta 700 euro azpitxapeldunek.
Bertzalde, bi urdaiazpiko zozketatu ziren eta antolatzaileek oroigarria eman zioten Renobalesi, laugarrenez segidan elite mailako finala jokatu duelako. An­to­la­tzai­leek eskerrak ere eman zizkie­ten lagun­tzai­­leei: Reyno de Navarra, Nafarroako Ku­txa, Donezte­beko Udala, Nafarroa­ko Pilota Federazioa, Casa Ostiz, Big Mat Mendi­txu­ri, Lur aretoa eta Aparan.

Bigarren mailakoak
Bezperan, Errekako pilotariek jokatu duten bigarren mailako txapel­ke­­taren finalak egin ziren. Buruz buru, aurrebenjamin A mailan Urko Oiartzabalek 18-9 irabazi zion Aitor Agesta­ri eta B mai­lan, Pello Seinek 18-1 irabazi zion Oier Ro­dri­guezi. Hirugarren mailako benjaminetan, David Mitxeok18-8 irabazi zion Eneko Maylini eta bigarren mai­lakoan, Aimar Zestauk 18-4 Mikel Bangori.
Binaka, lehen mailako benjaminetan, Asier Arozena eta Unai Ibarrak 18-10 irabazi zieten Aimar Saldias eta Ioritz Zelaietari. Bigarren mailako alebinetan, Julen Inda eta Beñat Lazkanok 18-11 irabazi zieten Julen Larre­txea eta Julen Saldiasi. Bigarren mailako infantiletan, Iker Mariezkurrenak eta Javier Saldiasek 18-16 irabazi zieten Aritz Fagoaga eta Javier Seini. Bigarren mailako jubeniletan, Mikel Maia eta Julen Al­txuk 22-16 irabazi zieten Ibai Juanena eta Unai Mariezkurrenari.