Erremonte profesionalaren etorkizuna zalantzan dago. Azken 40 urteotan Hernaniko Galarreta eta Uharteko Euskal Jai pilotalekuetan erremonteko jaialdiak antolatu izan dituen Galarreta enpresak erremonte profesionala martxoaren 31n utziko duela adierazia baitu.
Arrazoi ekonomikoak daude enpresaren itxieraren gibelean. Azken bozpasei urteetan beherakada izan dutela azaldu zuten Galarretako buruek itxieraren berri eman zutenean, eta azken bi urteak «are larriagoak» izan omen dira.
Oraingo nagusiek aitzinera segitu ezin duten arren, enpresa berriek ateak zabalik dituztela aipatua dute. Hain zuzen, horri erantzunez Maxi Samper Euskal Jai Berri enpresako kidea interesatua agertu da. Enpresariak urtebeteko kontratua eskaini die erremontistei eta kirola berpizteko inbertsioak egiteko prest dago. Gainera, hasiera batean Galarreta enpresari egindako eskaintza %20 hobetu du eta enpresaren erantzuna martxoaren 20a baino lehen jakin nahi duela erran du. Lerro hauek idazterakoan hori zen azken orduko berria.
Oraingo buruek martxoaren 31n itxiko dutela iragarria dute
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun