Egoera okerrenean dauden herriko karriketan zola kendu eta berria paratuko du Udalak. Pedro Deskarga alkateak TTIPI-TTAPAri adierazi dionez, «proiektua egina dago eta Nafarroako Gobernuaren dirulaguntzarekin eginen dira lanak». 150.000 euroko aurrekontua duten obrak dira, eta Gobernuak %70 subentzionatuko du. Deskargak azaldu digunez, karrika guztiak berrituko lituzkete gustura, baina dirulaguntzak erdia berritzeko adina ematen du, eta behar haundiena dutenak moldatuko dira. Apiriletik aurrera aterako du Udalak obra lehiaketara, Deskargak iragarri duenez.