Erreka Kirol Elkarteak Nafarroako Kutxako Zuk aukeratu, zuk erabaki egitasmoaren barrenean bi proiektu aurkeztu ditu aurten.
Horietako bat orokorra da, elkarteak urte guztian antolatzen dituen ekitaldi eta atalei laguntzeko. Eta bigarrena dantza talderena da. Erreka elkartearen barne dago dantza taldea ere joan den urteaz geroztik, eta adierazi digutenez, «etorkizunerako ideia eta proiektu hagitz interesgarriak dituzte».