Maiatz hasieran ekinen zaio entrenatzaileak izateko eginen diren ikastaroei. Horrela iragarri du Erreka Kirol Elkartearen webguneak. Bi ikastaro emanen dira, bat oinarrizko mailakoa eta bertzea lehen mailakoa.
Lehenbizikoan, bertzeak bertze, elikadura, lesioak, kirol medikuntza edo prestakuntza fisikoa landuko dira. Ikastaro honen zati bat, klaseetara joan gabe, etxetik egiten ahal izanen da, ordenagailu bidez. Baina horrez gain, hiru ordu inguru iraunen duten klasetara joan beharko da.
Lehen mailako ikastaroa gero eginen da, eta kasu honetan eskubaloia izanen da landuko den gai bakarra. Alberto Martinek eskainiko du eta bortz egunekoa izanen da, lau ordukoa bakoitza.