Osasun Zentro berria egiteko lanek aitzinera segitzen dute. Nafarroako Gobernua ari da horretan eta Udalari eta osasun zentroko arduradunei ere erakutsi die proiektua. Miguel San Miguel alkateak adierazi digunez, «600 metro koadroko oraingo osasun zentrotik 1.900 metro koadroko bat izatera pasako gara». Neurriarekin «sorpresa» hartu dutela aitortu digu, «1.400 metro koadro ingurukoa izanen zela errana baitziguten». Gainerakoan, diseinu aldetik «hagitz polita» iruditu zaio San Migueli. Hobetzeko aldeen artean, aparkaleku gehiago egiteko eskatu du Udalak.
Udalak eta osasun zentroko arduradunek errandakoa aintzat hartuta, osatu eginen du aurreproiektua Gobernuak, eta Udalak lauzpabortz hilabete barru proiektua egina izatea espero du. 2011ko aurrekontuetan osasun zentroa sartzea nahi luke.