Espainiako Gobernuak Etxalarri emanen dizkion 89.000 euroak bideak moldatzeko erabiliko ditu Udalak, gehienbat eskoilerak egiteko. Horrela adierazi digu Patxiku Irisarri alkateak. Denera bortz eginen dituzte; bat Larrapil auzoan, lehengo eskonbreraren ondoan eta bertze lauak, Urritzokieta auzoan, bi Arretxeko borda inguruan, bertzea Olaindiko borda parean eta azkena Garatxeko bordako maldan. Eskoilerak eginda gelditzen den diruarekin Exkutun bordako bidean 260 metro zementu botatzeko intentzioa du Udalak. Lanak urte honetan eginen dira.