Orrazkerak emaztegaiendako

Emaztegai gehienek beraien ezkontza egunean melena erakustea aukeratzen badute ere, aurten ile bil­dua izanen da protagonista, altuak nahiz baxuak izan daitezkeen mototsekin, eta baita solte eraman daitezkeenak ere, bi estiloak konbinatuz. Ilea moztea auke­ratzen baldin bada, modan dago eta egonen da melena erdi­ko orrazkera, bai lisoa eta baita kixkurrekin ere.
Gehien erabiliko dena, txirikordak edo trentzak, mila modutan sartzen direnak orrazkeretan: koletan, ttikiak, handiak, bazter batean, lazoekin nahasiak, estentsioekin, etabar…
Gainera, bolumen handiko orrazkerak ere ikusiko ditugu, estentsioekin egindako ilebilduetan. Altuera handiko emaz­tegaiendako egokiak dira. Estilo hagitz naturaleko orrazkerak ere izanen dira, orraztu gabeko ukituekin, emaztegai neoerromantikoendako. Melena erdiendako perfektuak dira.