San Miguel ikastetxean sarrera eta irteerako ordutegietan segurtasun neurriak hobetuko dira Udalaren, ikastetxearen eta bertze gizarte eragileen artean. Halere, horretarako bizilagunen eta batez ere autogidarien laguntza eskatu dute. Nafarroako Ingurumen Baliabideen Zentroak (CRANA) gaiaren inguruko jardunaldi informatiboa eskaini zuen joan den hilabetean. Autoa etengabe erabiltzeak sortzen dituen kalte eta arriskuen inguruan aritu ziren eta neurriak hartuta, oinez gehiago ibili eta karriketaz gehiago gozatuko litzatekeela nabarmendu zen.
‘Pedibus’ esperientzia
Guraso Elkarteak Pedibus esperientzia jarri nahi du martxan. Horren bidez, gurasoek hartuko lukete ikastetxeko sarrera-irteeren ardura eta eurek arduratuko lirateke ikasleei ikastetxera laguntzeaz.