2,15 milioi euroko aurrekontua onartu du Udalak 2010erako

2.150.000 euroko aurrekontua onartu du Udalak urte honi begira. Dena den, dirulaguntzen esperoan, zenbait inber­tsio aurrekontutik kanpo utzi ditu.
Futbol-zelaia egiteko, adibidez, dirulagun­tza hartzea da Udalaren asmoa eta horretarako Espainiako eta Nafarroako Gobernuekin akordioak sinatzeko harremanetan dago. Horrela baieztatu digu Miguel San Miguel alkateak. Izan ere, 1.300.000 euro gosta­tzen da eta au­rre­kon­tuan 350.000 euroko diru-saila gorde dute futbol-zelaiarako. Nafa­rroa­ko Kutxaren Zuk aukeratu, zuk eraba­ki proiek­tuaren barne ere aurkeztu dute eg­i­tas­­moa. Alkateak erran­ digunez, «proiektua ai­tzi­nera ateratzekotan, au­rrekontuan aldaketa ba­tzuk eginen genituz­ke».
Aparan inguruan eraikiko litzateke futbol-zelaia, hirigintza konbenioarekin he­rriaren esku gelditu den lurzati batean.

Eguneko zentroa
Udalaren aspaldiko nahia da adinekoentzako eguneko zentroa eraikitzea. Horretarako, ordea, hiru milioi euroko gastua aurreikusia dago eta hau ere ez dago aurre­kontuaren ba­rre­nean sartua, oraindik Gobernuak onartu gabea duelako, «Foru Aginduaren esperoan gaude», adierazi du San Miguelek. Halere, Udalak badu non eraikia.

Obrak herriko etxean
Bertze hain­bat konponketa ere egin nahi ditu Udalak eta horre­ta­rako dirulaguntza es­ka­­tu du estatuko planean. Batetik,  135.424 euro eskatu ditu udaletxe­ko beheko solairua za­har­be­rritu eta igogai­lua para­tzeko, «igogailua beha­rrezkoa da, zerbi­t­zuak lehenbiziko solairuan baitaude». Hirurte­ko Planean udaletxea osorik moldatzeko eskaera egin zuten, baina atz­era bota zuen Gobernuak. Den­borarekin bertze solairuak ere konpontzea da Udalaren nahia, baina momentuan beheko solairua egitea erabaki da.  
Bertzalde, 4.408 euro eskatu ditu sistema informatikoetarako eta 33.248 euro bertzelako gastuetarako: «zerbitzu aunitz eskaintzen dira eta gastu haundiak sor­tzen dira».