Nafarroako Gobernuak Interes Kulturaleko Ondasun izendatu ditu Usategiak, paisaia kulturalaren kategoriaren barrenean. Baina udaletxetik, Herri Taldeko ordezkariek haserrea eta arrenkura agertu dute akordio horretan ageri diren akats eta zentzugabekeriak direla eta. Udal talde honen erranetan, ez da egia aurkeztutako lau alegazioak aintzat hartu ez direnik eta gainera, izendapenaren barrenean kokatutako zenbait lur-eremu kanpoan gelditu ziren 2009ko erresoluzioan eta planoa ere gaizki dago, orduan onartutako alegazio batzuk ez dituelako kontuan hartzen. Planoa eskuz egina dagoela eta ondasuna non hasi eta non bukatzen den adierazten duen «muga garbirik ez dagoela» ere salatu du.
«Funtsa gutti eta informazio eskasa» duen akordio eta espediente honen kontra errekurtsoa aurkeztuko du, «gauzak okerrago ezin direlako egin». Udalak usategien izendapena begi onez ikusten bazuen ere, tramitatzeko modua ez zaio egokia iruditzen.