Otsailaren 27an, larunbat arratseko 21:00etan Irulegi Irratiaren aldeko kabaret gaualdia ospatuko da Izpuran, Nafarroa Beherean.
Pantzo Hirigaraik Irulegiko irratiaz anekdotak antzeztuko ditu, Kattalin Indaburu, Ixabel Jaury, Audrey Carrique kantuz eta Philippe Albor musikariak lagundurik. Ondotik, Hudaltzainak eta Bizardunak taldeek kontzertua eskainiko dute eta Kantuz taldearekin erromeria izanen da. Jatekoa eta edatekoa ere izanen da gau guzian, Irulegiko Irratiaren alde.
Hudaltzainak
Hudaltzainak taldekoak, bere garaian Hertzainak taldea bezala, txapela gorriak jantzirik heldu dira. Etxahun Lekue eta Fredi Paia bertsolariek inprobisazioa egiten dute, baina ez usaia dugun bertso-doinuekin. Josu Martinez Txaber Fernandez, Gorka Etxebarria eta Imanol Martinez kitarra, arrabita, bateria eta soinu joleekin eta Porra Bideo Systemeko Txaber Larreategiren bideoa lagun, ezagunak zaizkigun aireak erabiliz botatzen dituzte bapateko bertso zirikatzaileak.
Bizardunak
Bizardunak taldeak Euskal Radikal Rock Folk talde bezala aurkezten du bere burua. Besta, dantza eta ospakizuna aldarrikatzen dituen taldea da Bizardunak, arlo horietan maisu diren The Pogues, Dublinners edo Billy Bragg taldeetako musikak erabiliz.