Otsailaren 28an hasiko dira neska mutikoentzako Herri Kirol Jolasak

Nafarroako Herri Kirol Federazioak urtero antolatzen dituen Kirol Jolasak otsailaren 28an hasiko dira, eta hilabete beranduago akitu, martxoa­ren 28an. Ohi bezala, hiru kategoriatan jokatuko dira: kimuen mailan (98-99 urteetan jaiotakoak); hau­rren mailan (96-97 urteetan jaiotakoak) eta kadeteen mailan (94-95 urteetan jaiotakoak).
Kimuen mailan proba konbinatuan baka­rrik ariko dira, hau da, koxkor biltzen (zortzi koxkor), txinge­kin (80 metro 3 kiloko txinge­kin), zakuarekin (3 lagunek 80na me­tro 6 kilokoarekin) eta lasterka (160 metro). Haurrak eta kadeteak, aldiz, proba konbinatuetan eta sokatiran ariko dira.
Haurren lana hau izanen da: 10 koxkor bildu, 5 kiloko txingekin 80 me­tro egin, hiru lagunek 10 kiloko zakuarekin 80na metro, 160 me­tro lasterka eta 70 zentimetroko bi kor­te arpanean. Sokatiran aritzeko pisua 480 kilokoa izanen da.
Kadeteen eginbeha­rra ondokoa izanen da: 12 koxkor, 60 me­tro 10 kiloko txinge­kin; hiru lagunek 80na metro 15 kiloko zakuarekin, 240 metro lasterka eta 70 zentimetroko bi korte arpanean. Sokatirarako pisua 540 kilokoa izanen da.

Eskualdeko taldeak
Eskualdeko taldeei dagokienez, kimuen mailan, Igantzi eta Basaburuak parte hartuko dute, eta agian Igantzi eta Arantzaren artean ber­tze talde bat osatuko dute. Haurren eta kadeteen mailan, berriz,  Basaburua aterako da.