Martxoaren 14an, bozen lehen itzuliaz gain, BATERA plataformaren herri galdeketa eginen da jakiteko herritarrek zer dioten euskal lurralde bat sortzeari buruz. Aferak polemika haundia sortu du prefetak gutun bat igorri baitie auzapez guziei, auzapezak estatuaren ordezkariak direla oroitaraziz, hauteskundeak biziki garrantzitsuak direla eta ezin direla gauzak nahasi. BATERAren abokatak erantzun du kontsulta hori ez dutela auzapezek antolatzen eta ez dela nahasmendurik sortuko. France 3 Euskal Herri telebistari eskaini zion elkarrizketan biziki hasarre agertu zen auzapeza errezebitu zuen gutun hori biziki hotza, zorrotza eta politezia gutikoa baita. Kontsulta egiten utziko duela errepikatu du hautetsiek zilegitasuna dutelakoz hori egiteko.