Azken-laurdenak akituta, aste hondar honetan sartuko da finalaurrekoetan Nafarroako Bertsolari Txapelketa. Etxarri-Aranatzen jokatuko da lehenbizikoa, larunbat honetan Kultur Etxean, eta Julio Soto, Estitxu Arozena lesakarra, Ander Fuentes Itturri zubietarra, Xabier Terreros lesakarra, Oskar Estanga eta Saioa Alkaiza ariko dira lehian, 17:30ean hasita.
Otsailaren 27an bigarren finalaurrekoa jokatuko da eta hau Iruritako Gizarte Bilgunean eginen da. Iñigo Olaetxea lesakarra, Xabier Legarreta aranoarra, Julen Zelaieta beratarra, Iñaki Aleman iruritarra, Iñigo Ibarra eta Migel Mari Elosegi Luze leitzarraren txanda izanen da. Saio hau ere 17:30ean hasiko da.
Hirugarren eta azken finalaurrekoa Atarrabian jokatuko da martxoaren 7an Indurain Anaiak kiroldegian, 17:30etik aitzinera. Bertsotan ariko direnak Jon Barberena elizondarra, Arkaitz Goikoetxea, Eneko Lazkoz, Oier Lakuntza, Jon Elizetxe gartzaindarra eta Aimar Karrika izanen dira.
18 bertsolari finalaurrekoetan
Azken-laurden bakoitzeko irabazleak –Goikoetxea, Legarreta, Itturri eta Arozena– eta puntuaziorik onena lortu duten 11 bertsolariak –tartean, Zelaieta, Aleman, Luze eta Elizetxe– dira finalaurrekoetara pasatu direnak, eta Soto, Olaetxea eta Barberena, berriz, zuzenean sailkatu dira aitzineko urteko txapelketan lortutako emaitzen ondorioz.
Sei bertsolari ariko dira lehian, tartean, Iñaki Aleman herritarra
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun