Igande honetan, otsailak 21, Doneztebeko frontoian 12:00etan Malerrekekako lau lagunek aizkora apustua jokatuko dute. Hilario eta Migeltxo Mindegia osaba-ilobak, Joseba Bordazuri eta Juanito Arroxeneren kontra ariko dira. Apustua hasiera batean abenduaren 27an egitekoa zen baina Josebak min hartu zuenez, igande honetara gibeleratu zuten.
Zortzi kanaerdiko ebaki beharko dituzte igandean. 3.000 jarri dituzte jokoan eta lekukoa eta gordetzailea Ezkurrako Barranka Ostatuko Jose Luis Gorostiaga izanen da. Onenak irabaz dezala, baina herritarrak apustuaren erdian izaki, animo Joseba eta Juanito!