Eguraldi txarrak ezin izan du inauteri giroa zapuztu

Joan dira aurtengo inauteriak ere. Ortziral goizeko gazteen gosariaren ondotik, inauteriei hasiera ematen dien suziria bota eta igande arra­tserarte giro ezin­hobea izan genuen herrian.
Hau­rrek or­tziral eta larunbatean  Ulibeltzak Elkartean beren mozo­rroekin gozatzeko eta dantzatzeko aukera izan zuten, berendu go­xoz lagunduta. Emakumeek Ulibeltzak Elkartean egiten den afarian marka egin zuten, 118 elkartu baitziren. Eta igande eguerdian, herritar guztiek desio genuena gertatu zen. Asteburu guztian bota­tako euriak tarte bat utzi­ zuen karrozen desfilea behar bezala egiteko. Horrela, 12:00­etatik 14:00etara herri­tarrek aurreko hilabeteetan egindako karrozekin, itzu­lixkan gozatu zuten, kuadrilla bakoitza egindako karrozaren pertsonaian sartuz eta an­tzeztuz. Dudik gabe, herritarrek hagitz gustuko izaten ditu inauteriak eta aurtengoak pasatu berriak diren arren, Sanferminak bukatzean erran ohi den bezala, guttigo falta de hurrengo urteko inauterietarako!!