Inauterien garaia ailegatu da eta Donamarian ere hasi da jendea mozorroak egiteko sabaietako trapu zaharrak astintzen. Aurtengoan urtarrilaren 29tik 31ra bitartean ospatuko dira. Ortziralean goiz-goizetik hasiko dira auzoetan puxkak biltzen herriko trikitilariek lagunduta. Arratsean, afaldu ondotik, musika izanen da ordu ttikiak arte.
Larunbatean, Herriko Ostatuan gosaldu ondotik, gazteek orgak hartu eta egun guzian bertze auzoetan ibiliko dira eskean. Eguna Irune eta Itxaso trikitilariek alaituko dute. Ilunabarrean afaria Herriko Ostatuan izanen da nahi duenarentzat. Gauez Mikel Salaberrik dantzaldia eskainiko du.
Igandean, inauteriak akitzeko bazkari batean elkartuko dira herriko gazteak kontuak egin bidenabarrean. Arratsaldean haurrentzako txokolatada eginen da.
Otorduetara joateko Herriko Ostatuan izena eman behar da.
Ortziral goiz-goizetik hasiko dira auzoetan puxkak biltzen
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun