Atxuri Urdin Reala futbol taldeko peñak ateraldi bat antolatu du heldu den otsailaren 20an eta 21ean Gironara (Katalunia) bi taldeen arteko partida ikustera joateko. Autobusa, partidaren sartzea eta hotelarentzat 100 bat euro kostako dela aurreikusi da. Behar izanez gero, autobusa Beratik abiatuko da eta Saran barna Kataluniako bidaia eginen. Deialdia irekia da eta interesatuak diren guztiek izena eman behar dute hilaren 31 baino lehen.
Izen-ematea
Izena ematearekin batera, 60 euroko aurrerapena eskatzen da. Txekeak, izen-deiturak, eta kontakturen bat (helbide elektronikoa edo telefonoa) honako helbide honetara eman behar dira: Peña Plata-Atxuri Urdin, Pleka Trinketea 64310 Sara, edo Patrick Etxegarai Saskirekin harremanetan sartu zenbaki honen bidez (0033) 662911725. Zehaztasun gehiago nahi izanez gero, galderak egin daitezke penaplata@euskalerria.org helbidean edo peñaren web orria bisitatuz, www.atxuriurdin.com. Tokiak mugatuak direnez, izena lehenik ematen dutenek izanen dute lehentasuna.