Bihotzeko ximiko haundia izan dugu berriki Pierre Halsouet herritarren heriotzaren berri izan dutelarik. 90 urte bete behar zituen urte hastapenean pausatu da Zuraideko xahar-etxean. Donamartiko semea ezaguna zen Ganix bertsulariaren semea baitzen. Bere aita zena bezala oihanzaina eta umore oneko gizon alegera zen. Azken egunak arte, aski pixkor ibili da. Gan den udan, Senpereko pilotaren etxearen estrenan parte hartu zuen eta atsegin haundiz ikusi zituen bere sortetxearen argazkiak eta bere aitak pilotaz idatzia zuen gutuna.