Baztan-Urdazubiko Donejakue Bideari buruzko gida argitaratu da

Bertizko Partzuergo Turistikoak, produktu turistikoen garapenerako Nafarroako Gobernuko laguntzarekin, Baionatik Urdazubin barna Iruñera doan Donejakue bideko zatiaren liburuxka bat argitaratu du.
Urdazubi-Baztango Donejakue Bideko lagunen elkarteari esker, orografia errazagoa izateagatik Erdi Aroan gehien erabili zen bide hau be­rreskuratu ahal izan da. Olagueko aterpea aurten zabaldu da eta Iruñe­ra arteko etapa guztiak burutzeko aukera dago.
Argitalpenean, sa­rre­ra historiko bat eta Baio­natik Iruña arteko he­rri nagusienen deskribapena aurkezten da. Bi udalek argitalpenean kolaboratu dute ber­tze doze­na bat baliabide turistikoren publizitatearekin batera. Maketatze erakargarri bat eta argazki aukeraketa on bat egin da eta informazio zeha­tza rutasnavarra.cometik hartu da.
Hiru bertsio argitaratu dira: euskaraz, gazteleraz eta frantsesez. Nafarroako Turismo bulegoetan eta Bidea igaro­t­zen den informazio puntu nagusietan banatu dira. Horrez gain, langilegoak publikoari banatuko dio, parte hartuko duen turismo ferietan eta baliabide honen bidez, pertsona gehiago gure zonaldera hurbil­tzea espero da.
Bertiz Partzuergoko www.consorciobertiz.org web orriak atal berezi bat du bidearen informazioarekin eta gida eskuraga­rri du, eta emailez nahiz telefonoz eska daiteke.