Ortziralean, hilak 22, Itur-Ondo elkartean eginen den afariarekin hasiko dira inauteriak edo iñoteak. Afalondotik, berriz, Mikel Salaberrirekin dantzaldia izanen da goizaldera arte. Afarira joan nahi duenak lehenagotik izen-ematea komeni da, eta Itur-Ondon jarrita dauden zerrendetan.
Larunbatean, 10:00 aldera, gosaria izanen da. Ohi bezala, jendea mozorrotua hurbilduko da gosaltzera eta Labaiengo auzotik poteoa hasiko da gero, etxez-etxe puxkak bilduz. Frantziskok alaituko ditu bazterrak.
Goiza etxez-etxe pasatu ondotik, 14:00 aldera Itur-Ondo elkartera bueltatu eta bazkaria izanen da. Baserri batzuetara ere joanen dira eta arratsaldez Beintzako auzoari emanen zaio buelta. Ondotik afaria izanen da Itur-Ondon. Goizaldera arte Frantziskoren musika doinuak izanen dira.
Etxez-etxe bildutako puxkak egun berean probexten ez badira, beharbada, gelditzen denarekin eta bildutako diruarekin hurrengo asteburuan afaria eginen da.
Otorduetara joateko izena aurretik ematea komeni da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun