Urtero bezala, Olentzerok eman zion hasiera Eguberrietako ospakizunei. Abenduaren 24an Olentzero 16:00 aldera etorri zen herrira, eta etxeko ttikienek, gaztetxoek eta gurasoek behar bezalako ongi-etorria eman zioten. Aurtitzen Oihan Goizueta izan zen aurtengo Olentzero ttikia. Eta Iturenen, berriz, Olentzero bera etorri zen eta herritarrek aurrez-aurre agurtzeko aukera eduki zuten.