Bertsotan ederki moldatzen dela erakutsia du behin eta berriz Ander Fuentes Itturrik. Eta txapelketetarako gogoa baduela ikus daiteke. Parte hartu duen azkena Malerrekako I. Taldekako Bertsolari Txapelketa izan da. Abendu hasieran, Ittundarrak taldearen kontra aritu zen, Maialen Belarra doneztebarrarekin eta Irati Arrieta sunbildarrarekin batera. Ez zuten irabazterik lortu, nahiz eta Bortzirietako Txapelketan parte hartuko duen. Berez, Malerrekako irabazleek zuten Bortzirietakoan aritzeko eskubidea, baina halere, Juan Mari Lopez eta Jon Silveira lagun dituela, ostiral honetan, abenduak 18, Berako Espidobaitan bertsotan ariko da. Zorte on!