NILSA elkarte publikoak ur-araztegia edo depuradora eraikiko du Sunbillan, herri honek sortzen dituen hondakinak tratatu eta Bidasoa errekara zuzenean ez botatzeko.
Lanen lizitazioa heldu den udaberrian eginen dela aurrikusi da, 1,4 milioi euroko aurrekontuarekin eta hamalu hilabeteko epea izanen da horiek egiteko. Soluzio hau Sunbillan, Oronoz-Mugairin, Oieregin, Narbarten eta Legasan egindako estudio baten ondotik hartu da. Hainbat aldagai aztertu ziren, batez ere baldintza orografikoak, eta teknikarien ustez, egokiena inguru horretarako bi depuradora eraikitzea litzateke, bat bakar-bakarrik Sunbilarrentzat eta bertzea, Legasan, Bertizarana eta Oronoz-Mugairirentzat.