Nekazaritza eta abeltzaintzako sektoreak inoiz bizi duen krisi larri honen aitzinean, EHNE-Nafarroa sindikatua motorrak berotzen hasi da eta hala, azaroaren 20an kontzentrazioak egin zituen Nafarroa osoan. Nekazari eta abeltzainek jasaten dituzten ekoizteko kostu garestiek eta jatorrizko prezio baxuek nekazaritza errentan eragin duten murrizketa salatu zuen EHNEk. Horrez gain, ASAJA, UPA eta COAG estatuko nekazaritza erakundeek, joan den larunbaterako, azaroak 21, Madrilen Nekazaritza txirotzen ari da, mugitu leloarekin deitua zuten manifestazio deialdi bateratuarekin ere bat egin zuen eta harat joanen zela iragarri zuen.