Nafarroako Kirol Jolasen barrenean, laugarren urtez segidan, mendi ateraldiak egiten hasi dira Nafarroako 10 eta 17 urte arteko mendizale gaztetxoak. Tartean dabiltza Berako Larun Mendi, Sunbillako Ulibeltzat eta Lesakako Beti Gazteko neska-mutikoak ere.
Igande honetan, azaroaren 22an, Urbasara joan ziren, Pilatosen Balkoira, handik Urederra errekaren iturburura jautsi ziren eta inguru zoragarri horretatik Bakedano herrira joan ziren. Bertan beraien bokatak jan eta etxera itzuli ziren autobusetan. Berako Larun Mendi eta Sunbillako Ulibeltzak neska-mutikoak izan ziren igandeko ateraldian, lesakarrek gripearen ondorioz ezin izan baitzuten agertu.
Nafarroako Kirol Jolasen barrenean ateraldiak egiten hasi dira Bera, Lesaka eta Sunbillako neska-mutikoak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun