Nafarroako turismoari dagozkion datuak bildu ondotik, Nafarroako Gobernuko Turismo Sailak herrialdeko hamar tokirik bisitatuenen zerrenda egin du, eta sailkapen horretan bigarrena ageri dena Zugarramurdi da. Ekain erdialdetik irailaren 30era bitarteko datuak hartu dituzte kontuan, eta hala, Erriberriren ondotik, gure herriak jaso ditu emaitzarik onenak. Leizeak eta Sorginen Museoa dira batez ere, turistak erakartzen dituztenak.
Zerrendan, gure leize eta museoaren gibeletik, Leireko Monasterioa dago; Xabierko Gaztelua gero; Orreaga bosgarren; Urdazubiko leizeak seigarren; Iruñeko Katedrala eta bere museoa ondotik; Nafarroako ibilbide turistikoak zortzigarren postuan; Mendukiloko leizeak bederatzigarren eta Sendaviva parkea da hamargarren bisitatuena.
Turismo aldetik datu pozgarriak dira.
Nafarroako Gobernuak egin du zerrenda eta seigarrena Urdazubi da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun