Aurreko alean aipatu bezala, urriaren 31n ospatu zen lehen dantzari besta gure herrian. Goizean haurrendako jokoak izan ziren plazan. Gas Naturalekoek jarritako gaztelu puzgarriak, aurpegiko makillajeak eta Wii jokoak ere izan zuten herriko neska-mutikoek goiz guztian, baita gosaria ere.
Bertzalde, zortzi-hamar postu ekologiko ere paratu ziren ikusgai eta hainbat produktu erosteko aukera ere izan zuen jendeak.
Arratsaldean17:00-etan hasi zen frontoian herriko dantzarien saioa. Antolatzaieek dotore aski apainduta zuten frontoia ordurako eta saio polita eskaini ziguten haurrek nahiz helduek. Arratsean, berriz, 21:30ean, 250 lagun inguru bildu ziren herri afarian, horietako aunitz Ulibeltzak Elkarteko bazkideak, joan den urtean suertatu zitzaien Eguberrietako loteriaren dirua probextu baitzuten bazkideei afaria ordaintzeko.