Nafarroako Kirol Jolasen barrenean hainbat partida jokatu zituzten joan den asteburuan Errekako pilotariek.
Donezteben larunbat goizean jokatutako partidetan, bigarren mailako jubeniletan, Errekako Xabier Karrion eta Iker Rojok 22 eta 14 irabazi zieten Zugarraldeko Txorraut eta Zuñigari. Lehen mailako jubeniletan, berriz, Errekako Gaizka Bendoirok eta Imanol Juanenak 20 eta 22 galdu zuten Oberenako Aritz Juanenea eta Etxamendirekin eta Errekako Beñat Oronoz eta Irail Zestauk 22 eta 17 irabazi zieten Txarutako Antton Jauregi eta Perurenari.
Erreboteko frontoian jokatutako partidetan, bigarren mailako benjaminetan, Errekako Aimar Saldias eta Ioritz Zelaietak 8 eta 18 galdu zuten Esteribarko Seminario eta Betelurekin; Errekako Goio Mindegiak eta Julen Migeltorenak, aldiz, 18 eta 14 irabazi zieten Zugarraldeko Goñi eta Sotil-i eta Errekako Asier Arozena eta Ibai Erasunek 18 eta 15 irabazi zieten Zugarraldeko Villanueva eta Etxeberriari.
Bigarren mailako alebinetan, Errekako Oier Berasategi eta Mikel Lanak 18 eta 16 irabazi zieten Aurrerako Sukuntza eta Altzelairi.
Lehen mailako alebinetan, Errekako Iker Salaberria eta Beñat Lazkanok 8 eta 18 galdu zuten Txarutako Espelosin eta Antsorekin.
Hirugarren mailako infantiletan, Errekako Mariezkurrena eta Julen Larretxeak 18 eta 10 irabazi zioten Oberenako Baleztena eta Mendazari eta Errekako Julen Saldias eta Javier Saldiasek 18 eta 9 irabazi zieten Esteribarko Izal eta Iribarren-i.
Nafarroako klub artekoa
Larunbat arratsaldean, Nafarroako klub arteko txapelketako partida jokatu zuten Donezteben Erreka eta Sutegiko pilotariek. Binaka, Errekako Unai Madariagak eta Joseba Madariagak 22 eta 11 irabazi zieten Sutegiko Mayo eta San Vicenteri.
Lizarrako lau terdiko txapelketa
Igande arratsaldean Lizarrako lau terdiko txapelketan, Errekako Iker Salaberriak 18 eta 6 irabazi zion Pilotajaukuko Gabilondori.