Urtea akitu baino lehenagotik ur depositu berriak hornituko ditu herritarrak. Azken hilabete hauetan, lanak egiten aritu den Sasoi enpresari gutti gelditzen zaio akitzeko. Alberto San Migel alkateak aipatu digunez, «etxez-etxe presioa erregulatzeko balbulak paratzen ari dira orain».
Obra guztia abendu hasierarako egina izanen delakoan dago alkatea eta hortik aitzinera, berria erabiliko da. Zaharra, berriz, erreserbarako geldituko da.
Bere garaian, aipatu bezala, 128.487 euro gosta da depositu berria eraikitzea, eta Nafarroako Gobernuak 60.012 euro eman ditu.
Hirigintza Plana egiten hasiak
Udalaren eta arkiteltu arduradunen lehenbiziko bilerak egin ondotik, hasi dira Hirigintza Plan berria egiten.
Aipatu, Udalak Hirigintza Plana egiteko deialdia egin zuenean, sei arkitektu talde aukeztu zirela, eta guztietan Xabier Lopez de Uralderi esleitu ziola lana. Honek bi urte inguru beharko ditu plan berria egiteko. Kasu honetan, Nafarroako Gobernuaren laguntza %80 ingurukoa izanen da.