Urtebete baino gutxiago pasatu da Udalak Herriko Ostatua errentan hartzeko azken lehiaketa egin zuenetik. Urte hasieran izan zen, eta hirugarren deialdiaren ondotik, maiatzaren 1ean hasi ziren lanean arduradun berriak. Baina bost hilabete beranduago, uzteko asmoa dutela adierazi diote Udalari, eta beraz, honek berriz egin behar izan du eskaintza.
Aurrerago emanen ditugu eskaintzaren inguruko xehetasunak, baina bitartean, aipatu, ostatua, hostala eta jatetxe zerbitzua errentan har daitezkeela, eta horrekin batera, bertan bizitzeko aukera ere izanen duela ardura hartzen duenak.
Interesatuak eta baldintzak zehatz jakin nahi dituenak Herriko Etxera jo dezake.
Baldintzak Herriko Etxean daude eskura
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun