Igande honetan, azaroak 1, jokatuko da Arrutenea Etxea Pilota Txapelketaren bigarren edizioa. 16.30ean hasiko da eta lau partida ikusteko aukera izanen dute pilotazaleek Arrutenea Etxeak atzekaldean duen frontoi ttikian.
Lehenengo partidan, Enaitz Telletxea igantziarra Pello Migelena beratarraren kontra ariko da.
Bigarren norgehiagokan, Iker Espelosin sunbildarra eta Enaitz Anso legasarra ariko dira aurrez-aurre.
Hirugarren partidan, Andoni Espelosin sunbildarra Iñaki Azpirotz iruritarraren kontra ariko da.
Eguneko azken partidan, Ander Errandonea beratarra eta David Albisu narbartearrak jokatuko dute.
Partidak akitu ondotik, sariak banatuko dira eta segidan, luntxa izanen da bertara hurbiltzen diren guztientzat.
Lau partida jokatuko dira 16:30etik aitzinera
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun