Senpere eta Azkaineko eremuak zeharka litzakeen abiada haundiko treinbide berriaren proiektuak zer erran haundia piztu du hego Lapurdin. RFF konpainiak xehetasun guti eman du orain arte baina komunikatzeko modua arrunt aldatu du, kurioski, herritar eta hautetsiak mugitzen hasi eta.
RFFko arduradunek Iparraldeko hautetsiak gomitatu dituzte berriki Baionako su prefeturarat. Christian Maudet RFFko buruzagietatik batek esplikatu du oraingo treinbidea hobetuko dutela, linea berria egiteko ikerketak segituko dituztela eta begiratuko dutela CITEC enpresak egin duen txostena.
Ikerketa hunek dio treinbide berria egitea ez dela hain beharrezkoa urteak eta urteak pasako baitira oraingo treinbidea bete-betea izan aitzin. Orain den treinbidea hobetzea aski dela gomendatzen du Suitzan egin den ikerketa independente horrek.
Larrunen idatziak
Larrungo mendi mazelan EZ AHT-LGV NON idatzi dute iratzea moztuz hizki hauen forma eginez. Ekimen hunekin Larrunaldeak jasan dezaken kalteaz ohartarazi nahi dute. Jendea ainitz mintzo da hortaz: Miarritzeko aireportuan ari diren hegazkin gidariek hortaz mintzatu dira aste huntan beren lantokitik ontsa ikusten baitute. Iratzeekin egina den zizelketa helikoptero batetik filmatzekoa dute eta irudi hauek mundu osoko telebistetan eta Interneten zabalduko dituzte.
Azkainen proiektuaren kontra talde bat sortu dute, hemen horrelakorik ez da momentuz...