Gaztainak, geltxaurrak, eta onddoak ailegatu diren bezala, ikastaroak ere hemen ditugu.
Irail hasieran kenpo kaikoa hasia zelaren berri eman genuen, eta urri hasieran bertze hauek ere martxan paratu dira:
Alde batetik, pilates eta aerobik klaseak hasi dira. Lehena asteartetan izaten da eta bi taldetan banatuta egiten dute. Aerobik, berriz, ortzegunetan da, eta hau ere bi taldetan banatuta izaten da.
Trikititxa eta panderoa ikasterik ere bada. Asteartetan eskaintzen dira klaseak, hiru taldetan. Eta haurrendako euskal-dantzak larunbatetan Saran ematen dira. Zugarramurdi eta Urdazubitik 14 haur gaten dira.
Finitzeko, erran, bilera batean erabakitzekoa zela yoga ikastaroa emateko nahiko jende ote zen ala ez.
Aipatzekoa da ikastaro hauek guztiak Urdazubi eta Zugarramurdiren artean antolatzen direla, bi herrien arteko harreman onari esker.