Krisi ekonomikoaren garaian gauden arren, herriko zenbait gazte etxe berriak egiten hasi dira, betirako herrian gelditzeko asmoarekin. Berri pozgarria da, azken urteotan beherakada haundia izan baita biztanle kopuruan. Azken hamar urteotan, adibidez, 50 biztanle gutxiago gara. Gainera, herritarren %70a 50 urtetik gorakoa da eta 18 urtez azpiko zortzi lagun baino ez daude.
Antza, etxebizitza eraiki nahian, lur eremuen bila dabiltzan gazteak ere badira, baina badirudi prezioak oso altuak direla. Gaian aditua den batek esan digunez, metro koadroaren prezioa 20, 30 eta 60 euro artean dabil, tokiaren arabera. Aipatzekoa da, herritik kanpo etxea eraikitzeko 1.500 metro koadro exijitzen dituela araudiak.