Irailaz geroztik partidak jokatu eta jokatu ibili dira Malerrekako Gazte Mailako Laxoa Txapelketan parte hartu duten pilotariak. Hiru launkotek parte hartu dute, bi Doneztebekoak (A eta B) eta bertzea Oitzekoa. Eta sei jardunaldi jokatu ondotik, ailegatu da egun haundia. Hala, finala larunbat honetan, urriak 17, jokatuko da Oitzeko plazan. Lehia 11:30ean hasiko da eta Oitz eta Doneztebe Ako pilotariak izanen dira aurrez-aurre.
Finalistak
Oitzeko taldean Andoni Saldias, Lander Mindegia, Laurendi Zelaieta eta Ibai Iribarrenek jokatuko dute eta Doneztebe An, berriz, Unai Sapuppo, Josu Inda, Joseba Grazenea eta Aurelio Bertizek.