Heldu den urriaren 31rako herri besta prestatu dute Ulibeltzak Elkarteak eta herriko dantzariek elkarlanean.
Goizean haurrendako jokuak izanen dira, arratsadean herriko dantzariek saioa eskainiko dute eta gauean herri afaria izanen da. TTIPI-TTAPAren hurrengo alean emanen dizuegu egun horretako xehetasunen berri, baina bitartean, jakin dezazuela, herri afarira joan nahi duenak urriaren 24a baino lehen hartu beharko duela txartela herriko ostatuetan.
Bazkideek txartelak hartu beharrik ez
Ulibeltzakeko bazkide direnek ez dute txartelik hartu beharko. Izan ere, joan den urtean Eguberrietan tokatu zen loteriaren diruarekin ordainduko da bazkideen afaria.
Afaldu ondoren Agerralde akordeoilariak alaituko du giroa.
Afarirako txartelak urriaren 24a baino lehen hartu behar dira
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun