“Krisiari aurre egiteko ikastaroak” izenburupean zenbait informatika tailer antolatu ditu Etxalarko Kultur Etxeak datozen astetarako. Honela, urriaren 21etik 23ra, “Curriculumak eta iragarkiak egin” ikastaroa emanen dute 16:00etatik 18:00etara, 10 euroren truke.
Urriaren 28tik 30era, “Lana bilatzea Interneten” ikastaroa emanen dute 16:00etatik 18:00etara, 10 euroan.
Azaroaren 5 eta 6an, azkenik, “Musika eta irratia entzun, eta telebista ikusi Interneten” ikastaroa emanen da 16:00etatik 18:00etara, 8 euroren truke.
Izen emateko 948 635386 telefonora deitu behar da 16:00etatik 19:40era edo kulturetxea@etxalar.org posta elektronikora idatzi.