Bertsolari Txapelketa Nagusiaren XV. edizioari larunbat honetan, urriak 3, Zestoan (Gipuzkoa) emanen zaio hasiera. 14 saiok osatuko dute txapelketa eta abenduaren 13an izendatuko da nor den txapelduna, Barakaldoko BECen eginen den finalean.
44 bertsolarik hartuko dute parte: 2 Arabatik, 12 Bizkaitik, 21 Gipuzkoatik, 4 Nafarroatik eta 5 Lapurdi, Nafarroa Beherea eta Zuberoatik. 2005eko Txapelketa Nagusiko finalistek eta herrialde bakoitzeko txapelketetan sailkatuek dute Txapelketa Nagusian parte hartzeko eskubidea. Bertsolarien artean, hiru dira ingurukoak, hirurak lesakarrak: Iñigo Olaetxea, Erika Lagoma eta Xabier Silveira.
Olaetxeak urriaren 10ean Leitzan jokatuko den final-laurdenean parte hartuko du; Erikak urriaren 17an Uztaritzen eta Silveirak urriaren 18an Zarautzen.
Sei final-laurden jokatuko dira eta horietan 36 bertsolarik hartuko dute parte. Finalaurrekoetan, berriz, 24 bertsolari lehiatuko dira, 2005eko zazpi finalistak eta final-laurdenetako saioetatik sailkatuko diren 17k. Bi itzuli izanen ditu finalaurreko faseak: lau lehenean eta hiru bigarrenean. Final haundia, azkenik, abenduaren 13an jokatuko da BECen.
Eskualdekoak Silveira, Lagoma eta Olaetxea
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun