Mikologiari buruzko hainbat ekitaldirekin joan zen aitzineko asteburua, baina oraingoan ere bertze hainbat izanen dira. Onddo eta Zizen Kofradiak antolatuta, ospakizunek segida izanen dute larunbat eta igande honetan, urriak 3 eta 4.
Joan den asteburuan, Uraren Ibilbidea (Zubieta-Doneztebe-Elgorriagako Bainuetxea), Onddoaren Ibilbidea autobusez, joaldunen joan-etorriak, herri-kirolak eta onddoekin egindako plateren lehiaketa egin ziren, bertze hainbat ekitaldiren artean.
Larunbat honetan, berriz, 20:00etan irekiera bainua eginen da, eta segidan, Juanito Mariezkurrenaren omenez Kazuela Lehiaketa jokatuko da. Aurtengoa X. edizioa izanen da. Segidan bainuak, mus txapelketa eta animazioak izanen dira.
Igandean Turistaren Eguna
Igandekoa izanen da Kofradiaren egun haundia, eta aldi berean, Turistaren Eguna ere bai. Egun osoko egitaraua antolatu dute:
•10:00etan Meza.
•Ondotik kofradeak izendatuko dira.
•Segidan Arangurengo abesbatzaren kontzertua.
•11:00etan joaldunak, txistulariak eta txaranga herrian barna.
•11:00etan herri-kirolak: Saralegi harri-jasotzailea, aizkolariak...
•12:00etan onddoak eta Nafarroako produktuak dastatzeko aukera.
•12:00etan Arangurengo abesbatzaren emanaldia.
•14:00etan luntx mikologikoa bainuetxeko karpan.
•17:00etan ibilbide ludiko-termala.
Bertzeak bertze, herri kirolak, onddo dastaketa eta musika nagusituko dira
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun