Aurten seigarren aldiz Urriruko Besta eginen da urriaren 10ean

Seigarren urtez, I­ttur-­Ondo elkarteak Udalaren laguntzarekin, besta antolatu du urriaren 10erako, Urriruko Bes­ta deitua.
Arratsaldean emanen diote hasiera ekitaldiei. 17:00etatik ai­tzinera inguruko artisauek euren lanak erakusgai paratuko dituzte plazan.
18:00 inguruan Zubietako Joaldunak karri­kaz karrika ibiliko dira giroa animatzen. Ondotik, herri kirolek hartuko dute protagonismoa: 19:00etan harri-jaso­tzailea eta aizkolariak.
Goizean goizik pres­tatzen hasitako afariaren txanda izanen da gero. 6:00etatik erre­tzen dagoen 250 kilo kanalean dituen are­tzea afaltzeko aukera izanen da txartela erosi dutenentzat. Are­tzea 21:00tarako jateko puntuan egonen da. Aurten, iaz bezala, karpa ba­rruan izanen da. Jateko tresnak mahaian prest egonen dira. Afarian, aretzeaz gain, salda, piperrada, gazta, irasaga­rra, edariak, kafea eta kopa behar adina izanen da guzien­tzat. Guztira 300 lagunendako afaria izanen da, muga kopuru ho­rretan mugituko garelakoz.

Zozketa
Afaltzeko ondoan zozketa eginen da, Nafarroa eta nola ez, Labaiengo produktuekin.
Herritar gehienak ez ezik, inguruko herrietatik ere jende andana hurbilduko da urriaren 10ean, larunbatarekin, Beintza- Labaienera.
Besta Jaliko Band taldearekin goizeko bostetan amaituko da.

Txartelak salgai
Afarirako txartelak Ittur-Ondo Elkartean, Herriko Ostatuetan eta Herriko Dendan izanen dira salgai.
Ittur-Ondo Elkartearen partetik ongi pasa!