Datuek azaltzen dute ondo baino hobeto zer nolako egoeran aurkizen garen nekazariok. Iazko maiatzetik aurtengora bitartean B gasoila %50ean garestitu da, gainontzeko errekinek izandakoaren gainetik. Eta gainera igoera ez da gelditu, abuztu amaieran beste 4 ptatan garestitu baitzen.
Larrialdi honen aurrean Espainiako Gobernuak ez du fitxarik mugitzen, jakina, hemen ere badira irabazten ateratzen direnak. Petrolera eta Estatuko ateak zabalduz gero, horratx krisialdi honen motorra eta aldi berean onuradunak. Repsolek adibidez publiko egin du bere irabaziak %278koak direla eta Estatuak, bestalde, zergen bidez (hidrokarburoenak eta BEZa), aurten 84.489 milioi pta jasoko ditu.
EHNEtik luzatu diogu Gobernu Zentralari gure aldarrikapena: Hidrokarburoen Zerga Bereziaren ezabapena nekazarientzat, espekulazio eta monopolizazioari aurre egiteko nekazaritzeko gasoleoaren prezioen kontrola eta gehieneko prezio soziala finkatzea nagusiki nekazaritzan ari direnentzat, 40 ptak gainditu gabe. Aldiberean, fiskalizazio bidea ere jorratu behar da horren zama nekazariari arinduaz.